И.Я.Яковлев ҫурални  175 ҫул  ҫитнине халалласа шкулта тĕрлĕ мероприятисем пулса иртрĕҫ.

   Шкулта « И.Я. Яковлев ҫуралнăранпа 175 ҫул» пĕлтерӱ  туса пачĕс, стенд йеркелерĕҫ,  вăл ҫырнă  калавсем тăрăх лартнă инсценировка конкурсĕ пулчĕ. Конкурсра 1-4, 7 тата 9 классем маттур пулчĕҫ.

  Çавăн пекех «И.Я. Яковлев калавĕсен геройĕсем»  ӱкерчĕк   конкурсне йеркелерĕмĕр. Конкурса ытларах 1-4 класс ачисем  аван хутшнăнчĕҫ. Вĕсене хавхалантарса диплом хучĕсем парса чысларăмăр.  

 «Çĕр пин юрă, ҫĕр пин ташă, ҫĕр пин тĕрĕ ҫĕршывĕ»  ташă- юрă конкурсĕ иртрĕ.  Конкурса хутшăнакансем авалхи юрăсене шăрантарчĕҫ. Ташлакансен конкурсĕнче  чăваш ташшине илемлĕ ташлакансене палăртрăмăр.

  Пĕрремĕш хут сцена ҫинче  Григорий Луч калавĕ тăрăх хатĕрленĕ « Чун туйăмĕ» спектакль иртрĕ. Ку спектакле ака уйахĕн 25 – мĕшĕнче шкул коллективĕ умĕнче 7 класс ачисем кăтартрĕҫ. Спектакле пурте ырларĕҫ.

  Шкул ачисем  « И.Я.Яковлев- чăваш халăхне ҫутта кăлараканĕ» викторинăна хутшăнса хайсен пĕлĕвĕсене тĕрĕслерĕҫ.  Пуринчен те маттуртараххи  7 класра вĕренекен Журавлева Л. пулчĕ.